Sunday, February 18, 2018

Nuntius de Conventiculo Martio

Si vobis placuerit, amici, conveniemus  die Saturni 3o Martii  (a.d. V Non. Mar.) hora 13:00  (1 P.M.) ad lacum Muriavicum, ubi jam adfuimus aliquot abhinc annos. Ibi enim in loco amoeno  Latine loquentes possunt sive ambulare sive sedere sub tegmine arborum.  

32.784821,-117.04289

Map of Map for 32.785022,-117.041256

Spero ergo vos crebros adfuturos. Non solum enim cupio iterum videre ipsas columnas Gladii, scilicet Eliotum Hieremiamque, sed etiam alios gladiatores qui, fortasse occupati,  conventicula nostra longiore tempore dereliquerunt.

Family At Lake Murray
Nescio utrum liceat alere anates

Tuesday, December 26, 2017

Libri antiqui

Amicus meus Italicus misit mihi aliquas imagines de libris antiquis restauratis vel restaurandis. Josephus enim multum  in hoc labore  delectatur per quem non solum opera majorum nostrorum salvat sed etiam praeteritos librorum cognoscit  possessores.


Editio operum a Cornelio Nepote
In prima autem imagine ostenditur editio Patavina ex anno 1730 operum Cornelii Nepotis. Quo libro puer ignotus usus est qui  in paginis reliquit scriptas propter forsitan taedium picturas aliquas. Tamen multus labor expectat amicum meum, cum imperitus quidam jam conatus sit librum restaurare.

Opera Virgilii
Hic autem inspicimus editionem Neapolitanam ad usum Delphini operum Virgilii. Quam fere integram Josephum acquisivit.

Editio operis a Jacobo Pontiano, S.J. scripti
Postremo ecce Progymnasmata Latinitatis a Jacobo Pontano, S.J. Editio haec non indiguit renovatione. Si Josephus alias imagines miserit, vobis ostendam.